حكاية النص جنيه جامدة جدا

مرة واحد كان معاه نص جنيه..

ففكر يعمل بيه إيه..

يشرب عصير قصب و لا يركب الأتوبيس فقال :

أنا لو ركبت الأتوبيس هيبقي في حل من إثنين:

يإما هقف أو هقعد

لو وقفت مش هيبقي في أي مشكلة

لكن لو قعدت هيبقي في حل من إثنين:

يإما هيقعد جنبي راجل أو تقعد جمبي ست

أنا لوقعدت بجانب راجل مفيش مشكلة

لكن لو قعدت بجانب ست هيبقي فيحل من إثنين:

لإما هنعجب ببعض يإما مش هنعجب ببعض

لو مأعجبناش ببعض مفيش مشكلة

لكن لو أعجبنا ببعض هيبقي في حل من إثنين:

يإما هنتجوز يأما مش هنتجوز

لو مإتجوزناش مفيش مشكلة

لكن لو إتجوزنا هيبقي في حل من إثنين:

يإما هنخلف يأما مش هنخلف

لو مخلفناش مفيش مشكلة

لكن لو خلفنا هيبقي في حل من إثنين :

يإما هنخلف ولد أو بنت

لو خلفنا بنت مفيش مشكلة

لكن لو خلفنا ولد هيبقي في حل من إثنين:

يإما هيستقيم أو هينحرف

لو إستقام مفيش مشكلة

لكن لو إنحرف هيبقي في حل من إثنين:

يإما يدمن أو مش هيدمن

لو مأدمنش مفيش مشكلة

لكن لو أدمن هيبقي في حل من إثنين:

يإما هيبقي معاه فلوس أو معهوش

لو كان معاه فلوس مفيش مشكلة

لكن لو كان عايز فلوس هيبقي في حل من إثنين:

يإما هيسرقني أو هيقتلني

لو سرقني مفيش مشكلة لكن لو قتلني ..

.. يقتلني ؟؟!!!!!!!!!

لا ياعم أنا أشرب عصير قصب أحسن

» تحميل النهى عن الصيام فى النص التانى من شعبان
» تحميل ساويرس الأخوان اعتبروني خزوق في النص ولازم نفوق قبل القفه التاني و مرتضى منصور تحت التحقيق في الــ10 مساءا
» نكت حكاية بجد
» الرحيل حكاية بلا صوت
» شوية نكت حكاية