نكت وارد المنيا - المجموعة الأولى

لي صديق جميل من المنيا .. ذكي ونشيط وناجح في عمله ومحترم جدا ويحب النكت . ومن وقت لآخر يرسل لي نكت معظمها عن الصعايدة. طبعا المنيا هي محافظة في الصعيد ، وهو ووالده أكتر ناس بيقولوا نكت على الصعايدة.

سأقدم لكم اليوم مجموعة من هذه النكت الجميلة أرجو أن تعجبكم
أنا كده با اعمل نيو لوك لكي لا تقولوا أن دمي تقيل وغلس

1

صعيدى أخذ شهادة دكتوراه فقال لزوجته والله ماخبرشى ليه
الناس بيضحكوا على الصعايدة أدينى جبت الدكتوراه.
فقالت له زوجته: دق على الخشب عشان العين. فدق على
الخشب.
فقالت الزوجه مين على الباب؟
فقال الزوج: خليكي
إنا حاشوف مين

2

اتنين صعايدة بيلعبوا شطرنج
الملك مات مشلول

3
مرة صعيدي طلع له عفريت علاء الدين
وقال له شبيك لبيك خدامك بين ايديك قال له
عايز كوبري من الصعيد الى نيويورك
العفريت قال مستحيل .. شوف طلب غيره
الصعيدي قاله طيب خلي الصعايدة يفهموا
العفريت فكر شويه وقال له عايز الكوبري اتجاه واحد ولا اتجاهين ؟

4

مره واحد صعيدى سافر مصر إتسرقت المحفظه بتاعته
عمل محضر في القسم
فقال له الظابط حاضر حجيبهالك من تحت الأرض
خرج الصعيدى بره لقى الناس بتحفر لخط المترو
فقال لهم الهمه يارجاله هى
سوده وفيها سوسته

5
. واحد مسطول بيقول لصاحبه مش عارف يا أخي عود الكبريت ده ما بيولعش ليه مع إنه لسه مولع من شوية

6
• مرة مدرس رياضة اتجوز مدرسة رياضة خلفوا ولد متساوى الساقين

7
• ايه الفرق بين الاسبوع وموس الحلاقة والصحراء؟؟؟؟؟؟؟؟؟؟؟؟
الاسبوع فيه حد ، والموس فيه حدين ، والصحراء ما فيهاش حد

8
• هل تعرف من هو اوفي مخلوق؟
نملة مات زوجها الفيل وقعدت طول حياتها تدفن فيه

9

• زرافة و فيل وأسد وفأر وثعلب وارنب ماشيين في الغابة ، وقعوا كلهم في حفرة إلا الزرافة
،قالولها :جيبي لنا حبل. قالتلهم :ما فيش.
قالولها :إحنا جعانين عايزين ناكل .قالت لهم: ماعرفش أجيب لكم أكل.
قالوا لها: والعمل؟ قالت لهم: كلوا أضعفكم ....
قام الفأر نط مفزوع وقال لهم : اللي حيقرب من الأسد حيعرف شغله

10
• واحد أحول راح يجيب أبوه من المطار باس الشنطة وشال أبوه

11
• مرة 10 اغبياء بيلعبوا على الطريق الصحراوى واللي تخبطه العربية مرتين يطلع برة اللعبة

12
• تايه بيسأل واحد ماشى فى الشارع اية اسرع طريق اروح بيه للمستشفى ؟؟
قال له غمض عينك وعدى الشارع

13
• مرة واحد غبي ماشي في الشارع لقي واحد صاحبه قاله ازيك ياعلي شكلك اتغير خالص الثاني
رد عليه بس انا مش علي
الاول قاله وكمان غيرت اسمك

14
• سواق ماشى ع الطريق واحد لابس احمر فى احمر شاور له فوقف السواق و قاله انت مين و عايز اية قال له انا الفرفور الاحمر و عايز توصلنى. السوا ق قال لأ مبوصلش فرافير و مشى و سابة
شوية لقى واحد لابس اصفر فى اصفر و بيشاورلة فوقف و سأله انت مين و عايز اية قال انا الفرفور الاصفر و عايزك توصلنى فقال له لا مبركبش فرافير و مشى و سابة
شوية و قابلة واحد لابس اخضر فى اخضر عمل معاة نفس الحكاية ف السواق سابة و مشى
شو ية كمان كدة و لقى واحد لابس ابيض فى ابيض بيشاورله. السواق وقف و قال له يا ترى انت بقى الفرفور الابيض فقال له الراجل: فرفور اية رخصك يا روح امك

15
• اتنين مساطيل حبوا يسرقوا عماره فقالوا لبعض احنا ناخد العمارة بعيد ونسرقها براحتنا
فقلعوا الهدوم وقعدوا يزقوا فى العمارة يزقوا
جه واحد من وراهم وسرق الهدوم
فواحد منهم بص ورا ملقاش الهدوم فقال له كفاية كدة احنا بعدنا اوى

16
• محشش يسأل محشش تتوقع الجمعة يوافق آخر الشهر ؟
رد عليه : لو ضغطنا عليه يمكن يوافق

17
واحد ندل فتح مصنع بيبسي كتب على كل علبة : رج جيدا قبل الفتح

18
• بلديات فتح محل انابيب غاز ..
فجّر اسطوانتين فى وسط البلد .. دعاية

19
• واحدة راحت تخطب لابنها .
. ام العروسة بتسألها ... وياترى ابنك بيدخن ؟؟؟
ردت عليها : لا لا لا الحمد لله ، ابنى ما بيدخنش..... الا اذا سكر

20
ثعبان نظره ضعيف يوم ما حب واحده..... طلعت خرطوم

21

• بلدينا ماسك قنبله وعمال يحدفها من الإيد دى للايد دى
قابله واحد تانى قال له :يخرب بيتك ولما تنفجر فى وشك
، قاله : ماتخافش معايا غيرها

22
• بلدياتنا نجح في انتخابات مجلس الشعب،
في اول جلسة قاعد جنب واحد افندى
فالأفندى عزم عليه بسيجارة مارلبورو،
وبعد شويه بيسالوا إيه رأيك في الديمقراطية ياحاج؟؟.
. فرد الحاج : والله أحسن من الكيلوبترا !!

24
• واحد قال لأبنه: نابليون وهوفي سنك كان الأول على المدرسة
... رد الواد على أبوه : نابليون وهو أدك يا بابا كان إمبراطور

25
• واحد ومراته متخانقين فبطلوا يكلموا بعض
الزوج قبل ما ينام كتب ورقة صحيني الساعه 6:30 علشان عندي شغل ، وحط الورق على السرير ونام
صحي الساعة 10:00 فلقى ورقه مكتوب عليها الساعه 6:30 يلا إصحى

26
واحد بلدياتنا دخل الجيش بيسأل زميله إنت من دشنا...فقاله: لأ
رد بلدياتنا: يبجى إنت من ديش العدو... و راح طاخه عيارين

27
واحد بلدياتنا شال جرس الباب وركب فيبريشن

28
واحد بلدياتنا وقع على السلم فظهره وجعه ..
راح للدكتور.. فكتب له مرهم وقال له إدهن مكان الاصابة.
. فراح دهن السلم

29
فيل ضخم كل يوم يمر على مملكة النمل يهدمها، النمل اتفق عليه قالوا : حنستخبى له فوق الشجر و أول ما يعدى نقفز عليه و نقرصه لحد ما نقضى عليه. المهم الفيل مر راح النمل قفز عليه. الفيل حس بيهم راح خابط زلومته شمال وقع نصهم و راح خابط يمين وقع النص التانى و مفضلش غير نمله واحده .فكل النمل واقف تحت يهتف لها اخنقه يا فوزى

30
مرة واحد بلدياتنا اشتري تاكسي وماشي بيه ومبسوط واحد واقفه وقاله تاكسي يااسطي قال له ايوة تاكسي وكمل مشي

» اضحكى مع هذه المجموعة من النكت .. لحد ما تقولى بس
» المنيا ؟؟؟؟؟؟؟؟؟؟
» أزمة قلبية لمرشح (وطني) راسب في المنيا
» عكاشة بمؤتمر مركز البحوث الجنائية انتحار مبارك وارد
» العشرى : نسعى لضم بلال مقابل عاصم والتعاقد مع النحاس وارد ولكن