انا المصرى وانت مين

قام لاعبو سيرك كره القدم المصريين بضرب لاعبى الخضرا لكرة القدم علقة
كوره من العيار التقيل امام مرأى ومسمع مشاهدى نصف اللكره الارضيه - وكان
الهدف الاول متعب/عبدربه بمثابة اول كف كروى طرقع بشكل يزعل - اما الهدف
الثانى فحدث ولاحرج عن قلة ادب الواد زيزو الصايع بناع الكورة اللى رقص
الخضرا... على واحدة ونص وطير الجون فى الهوا شاشى - ورغم هذا ظلت فرقة
الخضرا ترفص فى اللاعيبه المجرمين بتوعنا - قام ايه نزل الواد السفروت عبد
الشاف وبعد فاصل من المسخرة الكرويه تعدى 35 نقلة راح مطلع من جيب الشورت
المحلاوى بتاعه يافطة طول بعرض مكتوب عليها الادب فضلوه عن العلم ياغجر
وقام لازقهم الثالث فى الضيقه على طريقة عمهم ابوتريكه - ولم تسكت الخضرا
عن الترفيص غير المباح -قام ايه -طلع الكتكوت ابو شوشه الشاوشى جون الخضرا
وراح شايط جدو بالشلوت - مش عيب ... حد برضو يرفص جدو -وطبعا جدو عضمه
كبيرة وبيزعل بسرعه ونرفوز - قام وبمنتهى الافترا رغم سنه ولسع الخضرا
الرابع.
وظلت الخضرا تجرى فى ارض الملعب و تزغرط حتى ساعتة وتاريخه