ازاى تعاملى خطيبك؟

السلام عليكم فى بداية فترة الخطوبة خدى بالك من الحاجات دى
* فى البداية خليكى مستمعة اكثر من انك تكونى متكلمة وده لسببين

اولا:تعرفى شخصيته وتكونى فكرتك عنه لانه طبيعى هو هيتكلم ويفتح الحوارات وخليه يكلمك عن نفسه وعائلته واصحابه وبكده تكونى عرفتى الحاجات الى هتخليكى تتعاملى معاه على اساسها .
طبعا هو يكون لحوح وعايزك تتكلمى بس انتى بقى قليلوه مكسوفه انا لسه مش متعوده عليك اكيد انتى فاهمنى

ثانياصمت المرأة يزيد من جاذبيتها)

لأن قلة كلامك وخاصة فى البداية يخليه مشدود ليكى طول الوقت ونفسه يعرف انتى بتفكرى فى ايه ومشاعرك نحوه ايه وكمان بيقلل كثير الملل الى بيحصل مع طول فترة الخطوبة لانكم هتلاقوا مواضيع كثيره اوى تتكلموا فيها وكلها هتيجى فى وقتها
.
* خلى دماغك كمبيوتر

يعنى تخدى بالك من الحاجات الصغيرة الى سواء كان بيحبها عشان تعمليها او بيكرها تجنبيها ده بيحسسه اد ايه انه مهم بالنسبة ليكى
لازم تحفظى جميع التواريخ المهمة الى مرت عليكم من اول يوم قلك فيه انه بيحبك حتى يوم الزفاف وده لانها هتكون ذكرى حلوه اوى حتى بعد الزواج وتخلى فيه تجديد فى المشاعر على طول
يعنى مثلا اول خروجه مع بعض وفى نفس اليوم السنة الجاية ان شاءالله تعمليها مفاجأة وتحجزى نفس الترابيزة الى كنتم قاعدين عليها وفى نفس الميعاد ولو ينفع تلبسى نفس اللبس هتكون مفاجئة حلوه وتتبسطوا ان شاء الله


اخر حاجة واهم حاجة
احذرى ثم احذرى ثم احذرى
انك تحكى ليه كل شئ عن صحابك سواء المخطوبين او غير المخطوبين لان بعضهم بيربط مثلا ما بين المشاكل الى بتحصل مع صحابك وخطابهم وما بين مشاكلك معاه يعنى يقولك اصلك بتعملى زيك صحبتك
وبعضهم بيفتكر ان صحابك بيأثروا عليكى وبيملوا دماغك من ناحيته
وده بيخلى مشاكل كتييييير لا حصر لها
واهم شئ احساسك ان ليكى خصوصية مع صحابك احساس جميل

وخلى بالك اسرار صحابك منطقة محظورة ممنوع الاقتراب منها حتى لو ثقتك فيه لا حدود لها
ونفس الشئ مش كل حاجة تحصل مابينكم تحكيها لصحابك الا المقربيييييين

جداجدا وبرده مش كل حاجة لأن احيانا بننخدع فى ناس نفتكرهم اصدقاء ويكونوا فى الحقيقة اعداء
واخر نصيحة افتكرى ان نفسك اهم شئ فاتقى الله فيها واتقى الله فيه
ويارب تكون عجبتكم ومستنيه ردودكم.